Қырғызстан парламентінің Премьер-министр қызметіне Садыр Жапаровты бекіту туралы қаулысы Президент аппаратына келіп түсті. Бұл туралы Мемлекет басшысының баспасөз хатшысы Толгонай Стамалиева мәлімдеді.
Оның айтуынша, Сооронбай Жээнбеков үш күн ішінде өз қолын қоюы немесе құжатты Жогорку Кенешке қарсылықтарымен қайтаруы тиіс.
Айта кету керек, Мемлекет басшысы тиісті Жарлыққа қол қоймаса да, Садыр Жапаров Конституцияға сәйкес заңды премьер-Министр болады.
84-бапта, 5-тармақта: “Президент үш күн мерзімде премьер-Министрді және Үкіметтің қалған мүшелерін тағайындау туралы жарлық шығарады. Егер президент жоғарыда көрсетілген мерзімде премьер-министрді және үкімет мүшелерін тағайындау туралы жарлық шығармаса, олар тағайындалған болып есептеледі”.
Естеріңізге сала кетейік, 10 қазан күні Жоғарғы Кеңестің кезектен тыс отырысында министрлер кабинетінің басшысы қызметіне Садыр Жапаровтың кандидатурасы бекітілді. Адвокаттар кейбір нардептердің шешімінің заңдылығына күмән келтірді: Парламент регламентінің бірқатар рәсімдері бұзылды.
Сурет: tengrinews.kz
