Қырғыз республикасының басшысы Сооронбай Жээнбеков Алматы облысында ұшақ апатына байланысты еліміздің президенті Қасым-Жомарт Тоқаевқа көңіл айтып жеделхат жолдады.
Өз жеделхатында бауырлас елдің президенті Қырғызстан халқының барлығынан және жеке өз атынан оңтүстік астана маңындағы әуе апаты салдарынан қаза болғандардың туыстарына көңіл айтты.
«Алматы-Нұр-Сұлтан әуе рейсі кезіндегі апатта адам өлімі туралы жаңалықты терең күйзеліспен қабылдадым. Зардап шеккендердің тезірек сауығуын тілеймін», — деді Жээнбеков.
Қазақстандық Bek Air әуе тасымалдаушы лайнері Алматы маңында апатқа ұшырады. Ұшақ бортында 93 жолаушы және 5 экипаж мүшесі болған. Әуе апатының салдарынан 15 адам қаза тауып, 50-ден астам адам ауыр дене жарақатын алып, қазір ауруханада жатыр.
Бүгінгі күні оқиға орнында, 23 жыл бұрын шығарылған, құлаған ұшақтың борттық өздігінен жазғышы табылды. Алдын ала болжам бойынша, ұшақтың артқы бөлігі ұшу-қону жолағына тиген, бұл биіктіктен айырылуға және кейіннен құлауға алып келді.
Сурет: time.kz
