Қырғызстанның ішкі істер министрінің міндетін атқарушы Кұрсан Асанов БАҚ өкілдерімен кездесіп, еліндегі оқиғаларға түсініктеме берді. Бұл туралы forbes.kz жаңалықтар ресурсы хабарлайды.
Асановтың айтуынша, қазір республикасының барлық аймақтарында оқиғаның ауқымын кеңейтуге мүдделі адамдар тобы жұмыс істеуде.
“Бұл Бішкекте ғана емес, бүкіл елде болып жатыр. Бұл ОШ қаласында, ОШ және Жалал-Абад облыстарында. Барлық аумақта жұмыс жүргізілуде. Барлығы қатаң түрде тоқтатылатын болады”, – деді Кұрсан Асанов.
Сонымен бірге, ол жағдайдың ушығуына жол бермеу үшін барлық күш салынатынын мәлімдеді. Сондай-ақ, ол қарапайым азаматтарға қатысты күш ешкім қолданбайтынына уәде берді.
Бұған дейін 6 қазанға қараған түні Қырғызстан астанасында тынышсыздық орын алды. Парламенттік сайлаудың нәтижелерімен келіспеген азаматтар митингке шықты, ол кейін тәртіпсіздіктерге ұласып, құқық қорғау органдарының қызметкерлерімен атыс-шабыс болып, автокөліктерді өртегені хабарланған.
Қырғыз республикасының басшысы Сооронбай Жээнбеков оппозицияны жағдайды бейбіт жолмен реттеу үшін бірнеше рет диалогқа шақырды, бірақ әзірше ресми келіссөздер болған жоқ.
Сурет: zakon.kz
