Қырғыз республикасының басшысы Сооронбай Жээнбеков Жарлыққа қол қойды, оған сәйкес Бішкекте төтенше жағдай режимі енгізілді. Бұл туралы zakon.kz ақпарат агенттігі жазады.
Жээнбеков мұндай шешімді Қырғызстан Парламенті сайлауынан кейін орын алған дағдарыстық жағдайға байланысты қабылдады.
Сондықтан төтенше жағдай режимімен бірге, осы елдің астанасында коменданттық сағат енгізіледі. Сондай-ақ митингілер, шерулер, наразылықтар мен ереуілдер және әртүрлі бұқаралық, ойын-сауық іс-шараларын өткізуге тыйым салынады.
Жээнбековтің Жарлығына сәйкес Қырғызстанның құқық қорғау ведомствосы басшысының орынбасары Алмазбек Орозалиев төтенше жағдай кезеңіне Бішкек коменданты болып тағайындалады. Оған Ішкі істер министрлігі, Ұлттық қауіпсіздік мемлекеттік комитеті және Қарулы Күштердің Бас штабы елорда тұрғындарының өмір қауіпсіздігін қамтамасыз етуге көмектеседі.
Сонымен қатар, Президент Бас штабқа бекеттер ұйымдастырып, қалада қарулы қақтығыстардың алдын алу үшін Бішкекке әскери техниканы енгізуді тапсырды.
Бішкекте төтенше жағдай режимін енгізу туралы жарлық оған қол қойылған сәттен бастап күшіне енеді.
Бұған дейін Қазақстанның сыртқы саяси ведомствосының өкілдері көрші елдің билігін Қырғызстан аумағындағы қазақстандық кәсіпорындардың тоналуына жол бермеуге мүмкіндік беретін шаралар қабылдауға шақырғаны хабарланған болатын.
Сурет: sputnik.kz
