Қызылорда облысында бюджетке 776 млн теңге шығын келтірген ұйымдасқан қылмыстық топ ұсталды.
“Тоқта нөл” жедел-іздестіру іс-шаралары шеңберінде ұйымдасқан қылмыстық топтың іс — әрекетінің жолы кесілді, ол ұзақ уақыт бойы іс жүзінде жұмыстар орындалмай, қызметтер көрсетілмей және тауарлар тиеп-жөнелтілмей шот-фактураларды жазып берумен айналысты, – деп Қаржы министрлігі хабарлады.
Мемлекетке келтірілген залалдың алдын ала сомасы 776 млн. теңгені құрады.
Кызылорда облысы бойынша ЭТД ұйымдастырушы мен топ басшысына, сондай-ақ оның қатысушыларына қатысты ҚР ҚК-нің 262-бабының 1,2-бөлігі (ұйымдасқан топ, қылмыстық ұйым құру және оған басшылық ету, сол сияқты оларға қатысу) бойынша сотқа дейінгі тергеп-тексеру басталды.
