Қазақстандық телекоммуникациялық компаниялар төтенше жағдай кезінде бақылау-өткізу пунктері арқылы қызметкерлердің еркін қозғалуына қатысты мәселені шешуге көмек сұрап елдің министрлер кабинетіне өтініш білдірді, деп хабарлайды kursiv.kz ақпарат ресурсы.
Beeline компаниясының атқарушы директоры Евгений Настрадин төтенше жағдай режиміне қарамастан, Қазақстанда ауылдық елді мекендерді интернетпен қамтамасыз ету жұмыстары жалғастырылып жатқанын айтты.
Осыған байланысты ұялы байланыс операторларының қызметкерлері жабдықтарды орнату үшін қаладан облысқа бақылау-өткізу пунктері арқылы шығу қажет. Алайда, бұл төтенше жағдай режимі кезінде мәселе тудыруда.
Евгений Настрадин бақылау-өткізу пунктерінен өтуге рұқсат алған тұлғалардың дерекқорларын синхрондаудың болмауынан ұялы операторлардың қызметкерлерін қаладан шығарып, кері қайтарда өткізбейді, осыған байланысты олар бақылау-өткізу пунктерінде түнеуге мәжбүр екенін атап өтті.
Осы себепті қазақстандық телекоммуникациялық компаниялар Үкіметтен қызметкерлеріне бақылау-өткізу пунктері арқылы кедергісіз жол жүруді ұйымдастыруды сұрайды.
Министрлер кабинетінің басшысы Асқар Мамин өз кезегінде Ералы Тоғжановқа осы мәселені шешуді тапсырды.
Сурет: tengrinews.kz
