Қазақстан Үкіметі “Ядролық технологиялар паркі” акционерлік қоғамын үшінші рет сатуға қойды. 2018 жылдың қараша және желтоқсан айларындағы әрекеттер сәтті болмады, себебі саудаға бірде-бір қатысушы келмеді. Бастапқы баға 6,8 млрд теңгені, саудаға қатысу үшін кепілдік жарна 1,2 млрд теңгені құрады.
Жаңа сауда-саттық 8 қаңтарда өтеді. Үкімет бағаны 4 млрд теңгеге дейін, кепілдік жарнаны 614 млн теңгеге дейін төмендетуді шешті. Жалғыз қатысушыға сатуға жол беріледі.
Жекешелендіру шарттары мынадай: үш жыл ішінде ядролық және радиациялық технологиялар саласындағы Парк қызметінің бейінін сақтау, табыстылықтың экономикалық көрсеткіштері – жылына кемінде 131 млн.теңге.
Ядролық технологиялар паркінің объектілері Шығыс Қазақстан облысының Курчатов қаласында орналасқан.
Сулет: wikimapia.org
