Қаржы министрлігі жанындағы Қаржы мониторингі комитетінің өкілдері Атырау облысы бойынша Экономикалық тергеу департаменті еліміздегі танымал бизнесмен және құқық қорғаушы Барлык Меңдіғазиевке қатысты қылмыстық іс ашқанын хабарлады, деп жазады “ҚазТАГ” ақпараттық ресурсы.
Ведомство мәліметінше , ол аса ірі мөлшерде салық төлеуден жалтарған, сондай-ақ ұйымдасқан қылмыстық топты құрып, оған басшылық етті деген күдікке ілінді.
Тергеу іс-әрекеттері шеңберінде Меңдіғазиев жұмыс істейтін Karachaganak Support Service ЖШС кеңсе үй-жайларында, сондай-ақ оның тұрғылықты жерінде тінту жүргізілді.
Оны ұстау мүмкін болмады. Комитет құқық қорғаушы қылмыс жасағаннан кейін жасырынып, қазір халықаралық іздеуде екенін айтты. Тергеу жалғасуда.
Осы жылдың маусым айында Барлық Меңдіғазиев адам құқықтарын өрескел бұзған қазақстандық шенеуніктердің қара тізімін жасауға ниетті екенін мәлімдеді.
Сонымен қатар, Қазақстан Республикасында бұрынғы Денсаулық сақтау министрі Елжан Біртановқа қатысты тергеу жүргізілуде. Ол бюджеттік қаражатты жымқырды деген күдікке ілінді. Қазір Елжан Біртанов үй қамауында.
