ІІМ мен Қорғаныс министрлігінің зейнеткерлері өздерінің зейнетақы жинақтарын пайдалана алады, деп Еңбек және халықты әлеуметтік қорғау министрі Біржан Нұрымбетов хабарлады.
“Алдын ала есеп бойынша 721 мың қазақстандық ақша ала алады. Бұл еңбекке қабілетті жастағы 530 мың азамат, зейнеткерлік жасқа жеткен 178 мың адам, соның ішінде күш және құқық қорғау органдарының зейнеткерлері. Зейнетақы аннуитетін ресімдеген 13 мыңнан астам адам”, — деді Нұрымбетов бейсенбіде өткен брифингте журналистердің сұрақтарына жауап бере отырып.
Хабарланғандай, Қазақстан президенті 1 қыркүйекте халыққа жолдау кезінде зейнетақы жинақтарын тұрғын үй сатып алу, емдеу немесе қаржы компанияларын басқаруға беру үшін пайдалану туралы мәселені шешу туралы жариялады.
Қазақстанда зейнетақы жинақтарын алу үшін жеткіліктілік шегі жарияланды.
Мемлекет басшысы Үкіметке Ұлттық банкпен бірлесіп 2020 жылдың соңына дейін барлық қажетті нормативтік-құқықтық актілерді қабылдауды және дайындық жұмыстарын жүргізуді тапсырды.
Жақында Үкіметте Еңбек және халықты әлеуметтік қорғау министрі БЖЗҚ-да жинақталған қаражатты пайдалана алатын азаматтардың санаттарын атады.
“721 мың адамның зейнетақы жинақтарының бір бөлігін пайдалануға мүмкіндігі болады. Бұл шамамен 1,4 триллион теңгені құрайды”, – деді Еңбек министрлігінің басшысы. Олардың ішінде: “жеткіліктілік шегінен” асатын зейнетақы жинақтары бар 530 мыңға жуық жұмыс істейтін азаматтар бар.
Жоғалған табыстың кемінде 40% мөлшерінде зейнетақы жинақтары бар 178 мыңнан астам адам (қолда бар жинақ сомасының 50% – ынан аспайтын алуға болады).
Сақтандыру компаниясымен зейнетақы аннуитеті шартын жасаған 13 мың адам.
Тоқаевтың Қазақстан халқына Жолдауының толық мәтіні жарияланды.
Сондай-ақ, ведомство экономикалық өсімді қалпына келтіру мәселелері бойынша заң жобасын қабылдау және БЖЗҚ-дан нысаналы төлемдерді жүзеге асыру қағидаларын, сондай-ақ зейнетақы төлемдерінің сомасы есебінен тұрғын үй жағдайларын жақсарту қағидаларын, медициналық көмек алу қағидаларын бекіту бойынша шаралар қабылдайтын болады.
Сурет: sputniknews.kz
