Қазақстан үкіметі басшысының орынбасары Бердібек Сапарбаев Ақтөбе облысына жұмыс сапары аясында өңір жұртшылығымен кездесу өткізіп, зейнетақы жинақтарын пайдалану мәселесі туралы айтты.
Вице-премьердің айтуынша, бүгінгі таңда азаматтардың зейнетақы жинақтарын пайдалану мәселесін зерттеумен айналысатын арнайы жұмыс тобы құрылды. Ол осы айдың соңына дейін бұл мәселе бойынша ұсыныстар енгізілетінін атап өтті.
“Пайдалану зейнетақы жинақтарының сомасына байланысты болуы тиіс. Сомасы 10-12 млн теңге болуы тиіс. Бірақ бүгінгі таңда азаматтардың жартысынан көбінің 1 млн теңгеден аз қаражаты бар”, – деп нақтылады Сапарбаев.
Сондай-ақ, жұртшылықпен кездесу барысында Бердібек Сапарбаев жұмыссыздықты төмендету мәселесін қозғады. Вице-премьер бұл үшін елімізде күн сайын 370 мыңға жуық жұмыс орнын құру қажет деп есептейді.
“Бұл үшін әрбір мемлекеттік бағдарламада жаңа жұмыс орындарын ашу индикаторлары болуы тиіс, мысалы, зауыт іске қосылса, ол 100 жұмыс орнын құру керек, кейін жұмыс орындарының құрылғанын тексеру керек.Біз жұмыс күшін бір өңірден екіншісі өңірге бөлу мәселесін шешеміз. Атап айтқанда, азаматтардың Нұр-Сұлтаннан Павлодар облысына көшуі туралы мәселе шешілуде, біз 2 мың адамды тасымалдадық, Қостанайда, Петропавлда еңбек ресурстары қажет”, – деді вице-премьер.
