Біздің республика Үкіметі басшысының орынбасары Әлихан Смайылов Қазақстан көшбасшысының Жолдауында айтылған тапсырмаларын орындау үшін қанша бюджет қаражаты қажет болатынын хабарлады, деп жазады lsm.kz ақпараттық ресурсы.
Вице-премьер бүгінгі таңда 2021 жылдың бюджетінде мемлекет басшысының Жолдауында айтвлған тапсырмаларын орындау үшін 1,6 триллион теңге қарастырылғанын атап өтті.
Смайылов бұл қаражат дәрігерлер мен мұғалімдердің жалақысын арттыруға, шағын және орта бизнес несиелері бойынша пайыздық мөлшерлемелерді субсидиялауға, сондай-ақ Республикалық маңызы бар жолдарды салу мен қайта жаңартуға бағытталатынын нақтылады.
Алайда, Министрлер Кабинеті басшысының орынбасары бұл ақша Президент Тоқаевтың медицина қызметкерлеріне қосымша үстемақы мен медициналық препараттарды сатып алуға қатысты тапсырмаларын орындау үшін жеткіліксіз болатынын айтты.
Мемлекет басшысының тапсырмаларын орындауға тағы 300 миллиард теңге қажет болады. Вице-премьердің айтуынша, бұл соманы алу үшін еліміздің бюджетінің шығысы оңтайландырылады.
