Біздің республика Үкіметі басшысының орынбасары Роман Скляр жұмыс сапарымен Татарстанға барды. Бұл туралы Қазақстанның Ресейдегі дипломатиялық өкілдігінің баспасөз қызметі хабарлайды.
Сапарының басты мақсаты — Қазақстан мен Татарстан арасындағы өнеркәсіптік кооперация мен инвестициялық ынтымақтастық мәселелерін талқылау.
Татарстанға сапары барысында Роман Скляр осы елдің премьер-министрі Алексей Песошинмен, сондай-ақ «КАМАЗ» ЖАҚ, «Татмұнай» ЖАҚ және «Нижнекамскшина» ЖАҚ сияқты өнеркәсіптік және қала түзуші кәсіпорындардың басшылығымен кездесті.
Кездесуде автомобиль жасау және мұнай-химия өнеркәсібі саласындағы бірлескен инвестициялық жобаларды іске асыруға байланысты мәселелер талқыланды.
Қазақстанның вице-премьері инвестиция тарту, отандық өнеркәсіпті дамыту және импортты алмастыру еліміздің Министрлер Кабинеті жұмысының басым бағыттары болып табылатынын мәлімдеді.
Сондай-ақ, Татарстанға сапары аясында Роман Скляр «Татмұнай» ЖАҚ пен «Аллюр» компаниялар тобы» АҚ арасында Қазақстан аумағында автомобиль құрсымдарын өндіруді ұйымдастыру бойынша жол картасына қол қою рәсіміне қатысты.
Татарстан Республикасына сапарының соңында Республикамыздың вице-премьері осы елдің басшылығымен инвестициялық және сауда-экономикалық ынтымақтастықты дамыту жұмыстарын жандандыруға келісті.
Сурет: lada.kz
