Қазақстан Үкіметі басшысының орынбасары Роман Скляр Ақмола облысына болып, Қазақстан Республикасы мен Ресей Федерациясының кезекті аймақаралық ынтымақтастық форумына жүргзіліп жатқан дайындық барысын тексерді, деп хабарлайды “Қазақпарат” ақпарат агенттігі.
Форум биылғы жылдың күзінде Көкшетауда екі бауырлас мемлекет көшбасшылары Қасым-Жомарт Тоқаев пен Владимир Путиннің қатысуымен өтеді деп жоспарлануда.
Көкшетауда Склярға қаланың қонақ үйлері мен әуежайының жаңартылу жұмысы жайында және қазіргі заманғы “Болашақ Сарайы” балалар мен жасөспірімдер сарайының құрылысы қалай жүргізіліп жатқаны туралы баяндалды.
Роман Скляр өңіраралық ынтымақтастық форумын өткізу Қазақстан-Ресей сауда-экономикалық ынтымақтастығын дамытуға қосымша серпін беретінін атап өтті.
Одан кейін вице-премьер Көкшетауда балалар, қарау және спорт алаңдары болатын жаңа жағалау құрылысының барысын тексерді.
Сондай-ақ, Роман Скляр өңірге сапары аясында Kazrost Engineering Ltd ЖШС “Вектор” комбайндарын өндіру зауытында және Agrimer-Astyk ЖШС астық өңдеу кешенінде болды.
Сапарының соңында қазақстандық министрлер кабинеті басшысының орынбасары жоспарланған барлық жұмыстар сапалы және мерзімінде орындалуы тиіс деп мәлімдеді.
Сурет: primeminister.kz
