Қазақстан Министрлер кабинеті басшысының орынбасары Ералы Тоғжанов біздің республикамызда өтеусіз грант көлемін ұлғайту жоспарланып отырғанын мәлімдеді, деп “Қазақпарат”ақпараттық агенттігі хабарлайды.
Премьер-Министрдің орынбасары атап өткендей, Қазақстан Үкіметінде бұл грант көлемін бір миллион теңгеге дейін арттыруды ойлайды. Ол 2017-2021 жылдарға арналған Өнімді жұмыспен қамту мен жаппай кәсіпкерлікті дамыту мемлекеттік бағдарламасы аясында мұны жүзеге асыру жоспарланып отырғанын атап өтті.
Сонымен қатар, үкіметте осындай гранттар алғысы келетін адамдардың нақты санатын белгілеу мәселесі пысықталуда.
Сондай-ақ, вице-премьер мемлекеттік гранттар оларды алушылар қажетті еңбек құрал-жабдықтарын немесе өз бизнесін ашуға арналған технологиялық жабдықтарды сатып алу үшін бөлінетінін еске салды.
“Үй-жайды төлеуге гранттарды жұмсау мүмкіндігін беру гранттың айтарлықтай бөлігін құрауы мүмкін, бұл микробизнес ашу үшін қажетті құрал-жабдықтарды сатып алуға мүмкіндік бермейді. Баяндалғанды ескере отырып, мемлекеттік грантты жалға алу құқығын беру қолдау көрсетілмейді”, – деп атап өтті Ералы Тоғжанов.
Сурет: otyrar.kz
