Қазақстан Үкіметі басшысының орынбасары Бердібек Сапарбаев Қарағанды облысына жасаған жұмыс сапары аясында Қарағандыда жұмыспен қамту мәселесі қалай шешіліп жатқанын тексерді.
Қарағандыда түрлі қоғамдық орындарда, соның ішінде базарларда, вокзалдарда жұмысқа орналастыру пункттері жұмыс істейді. Жұмыс іздеп жүрген жергілікті тұрғындар бос жұмыс орындарымен танысып, бірден жұмыс берушіге жолдама ала алады.
Сапар барысында Қазақстан премьер-министрінің орынбасары Қарағандыда “Шығыс” базарының аумағында орналасқан мобильді жұмыспен қамту орталығында болды. Онда ол осы орталықтың тиімді жұмысымен танысты.
Осындай мобильді жұмыспен қамту орталықтары Қарағанды облысының басқа қалалары мен аудандарында жұмыс істейді. Сондай-ақ, өңірде облыстың елді мекендері бойынша жүретін жылжымалы жұмыспен қамту пункттері бар.
Жұмыс сапары аясында Бердібек Сапарбаев облыс әкімдігінде кеңес өткізіп,әлеуметтік қорғауға мәселелерін талқылады.
