Біздің республикамыздан Қытайға пойыз және автобустармен жолаушыларды тасымалдауды тоқтата тұру туралы шешім қабылданды. Бұл Қытай вирусының Қазақстанға енуіне жол бермеу үшін жасалған, деп хабарлайды премьер-министрдің баспасөз қызметі.
Бұл шараларды елімізде вирус таралуын болдырмау мәселесімен айналысатын Қазақстан Үкіметінің жанындағы ведомствоаралық комиссия қабылдады.
Сондай-ақ, комиссия тағы да бірқатар шаралар қабылдады. Атап айтқанда, биылғы жылдың 3 ақпанынан бастап Қазақстан мен Қытай арасындағы тұрақты әуе рейстері және ҚХР азаматтарына біздің елімізге келуге виза беру тоқтатылады.
Қазіргі уақытта Үкімет жанындағы ведомствоаралық комиссия Қытай коронавирусына байланысты жағдайды тұрақты түрде қадағалауда.
Соңғы мәліметтер бойынша, Қазақстан Республикасында Қытай инфекциясын жұқтыру жағдайы тіркелген жоқ, алайда ауруды жұқтырғандар басқа елдерде тіркелген.
Мәселен, Қытай инфекциясы Таиландта, Гонконгта, Макао, Вьетнам, Жапония, Оңтүстік Корея, Тайванда, Сауд Арабиясы, Сингапур, АҚШ, Франция, Малайзия, Австралия және Канадада тіркелген.
Сурет: inform.kz
