Мемлекет басшысының баспасөз хатшысы Берік Уәли Валдай форумында халықаралық және өңірлік қауіпсіздік пен тұрақтылықты қалыптастыру саласындағы қазақстандық тәсілдер сөз болғанын хабарлады.
Берік Уәли «Валдай» пікірталас клубы саяси және экономикалық салалардағы шетелдік тәжірибемен танысуға мүмкіндік беретінін осындай кездесулер біздің еліміз үшін өте пайдалы екенін атап өтті.
«Қазақстан халықаралық процестердің белсенді қатысушысы ретінде, әлемдік қауымдастыққа заманауи сын-қатерлерді шешу бойынша өз көзқарасын жеткізуге ұмтылады. Бұл алаң еліміздің сыртқы саяси байланыстарын кеңейтуге мүмкіндік береді», — деді Берік Уәли.
Оның айтуынша, Валдай форумына қатысушылар қазақстандық сыртқы саяси тәсілдерге, соның ішінде ядролық қарусыздану, Астаналық процесс мәселелерін шешуге,Таяу және Орта Шығыстағы, сондай-ақ Оңтүстік Азиядағы жағдайды дамыту тәсілдеріне қызығушылық танытуда.
«Ресейдің екі жақты және көп жақты форматтағы Азиямен ынтымақтастығның түрлі нұсқалары мен нысандары кез келген жағдайда да Қазақстанның да қатысуы арқылы жүзеге асырылады», — деді баспасөз хатшысы Тоқаева.
Сурет: Ria.ru
