Ұлттық экономика министрі Тимур Сүлейменов Сенаттағы Үкімет сағатында Қазақстанның Еуразиялық экономикалық одақ елдерімен тауар айналымының өсімі туралы айтты.
«Қазақстан бесінші жыл Еуразиялық экономикалық одақтың мүшесі болып табылады. Тауарларды еркін өткізу туралы базалық келісімдерді іске асыру Еуразиялық экономикалық одақ мемлекеттерінің өзара саудасының оң нәтижелерін көрсетеді», — деді экономика Министрі.
Атап айтқанда, айтылған мәліметтерге сәйкес, Қазақстанның ЕАЭО елдерімен тауар айналымы өсуде, 2018 жылдың 11 айының қорытындысы бойынша 17,1 млрд АҚШ долларын құрып, 6,2%-ға өсті, оның ішінде экспорт 10%-ға өсіп, 5,3 млрд АҚШ долларын, импорт — 4,6%-ға өсіп, 11,8 млрд АҚШ долларын құрады.
«ЕАЭО елдерінен инвестиция ағыны өсуде. 2018 жылдың үш тоқсанының қорытындысы бойынша ЕАЭО елдерінен инвестиция ағыны 31% — ға артты — 941,5 млн АҚШ долларынан 1,2 млрд АҚШ долларына дейін», — деп толықтырды Тимур Сүлейменов.
Сурет: nur.kz
