ҚР Парламенті Сенатының депутаттары “Қазақстан Республикасы мен Украина арасындағы экстрадициялау туралы шартты ратификациялау туралы” Заңды қабылдады, деп ХАА “ҚазАқпарат”тілшісі хабарлайды.
ҚР Бас прокурорының орынбасары Марат Ахметжанов атап өткендей, заң жобасын Сенаттың жалпы отырысында ұсына отырып, келісім адамдарды қылмыстық жауапкершілікке тарту немесе сот үкімін орындау үшін беру мәселелерін реттейді. Егер екі елде қылмыс жасағаны үшін кемінде 1 жыл бас бостандығынан айыру көзделген болса, шарт бойынша ұстап беру жүзеге асырылады.
Сонымен қатар, шартта ұстап беруден бас тарту үшін негіздер де көзделген.
“Егер бір тарапта қылмыс ретінде қаралатын іс-әрекет, ал екінші тарапта мұндай болып табылмаса немесе ескіру мерзімі өтіп кетсе, сұрау салынған іс – әрекет әскери қылмыс болып табылады, ұстап беру егемендік пен ұлттық қауіпсіздікке нұқсан келтіруі мүмкін, Қазақстанның заңнамасына немесе халықаралық міндеттемелеріне қайшы келуі мүмкін”, – деп түсіндірді Марат Ахметжанов.
Айта кету керек, бүгінде екі ел арасындағы экстрадиция саласындағы ынтымақтастық мәселелері Минск конвенциясымен реттеледі.
“Сонымен қатар, 2014 жылдан бастап Украина ТМД-дан біртіндеп шығып келеді. Осындай екі жақты шарттар 21 елмен жасалған. Жақын арада Малайзиямен, Грециямен және Кипрмен ұқсас шарттарға қол қоюды жоспарлап отырмыз”, – деп түйіндеді Марат Ахметжанов.
