Қазақстандық азаматтық авиация комитетінің өкілдері отандық авиакомпанияларды украиналық әуетасымалдаушысы ұшағының апатқа ұшырауына байланысты, Иран үстінен ұшудан бас тартуға шақырады. Бұл туралы ведомствоның баспасөз қызметі хабарлады.
Сондай-ақ, қазақстандық индустрия және инфрақұрылымдық даму министрлігінің комитетінде қазіргі уақытта отандық авиакомпаниялар Иранды айналып өтетін баламалы әуе трассалары бойынша авиарейстерді жүзеге асыруға қатысты мәселені қарастыруда.
Бүгінгі таңда Иранның әуе кеңістігі арқылы екі қазақстандық авиатасымалдаушының тұрақты ұшуы жүзеге асырылуда. Олар Air Astana және SCAT.
Отандық SCAT әуе тасымалдаушысы Қазақстанның оңтүстік астанасынан Мединаға және Джиддаға Иран әуе кеңістігі арқылы екі тұрақты рейс орындайды.
Air Astana ұшуы туралы айта келе, бұл авиакомпания Иранның әуе кеңістігі арқылы Нұр-Сұлтан – Дубай және Алматы – Дубай бағыттары бойынша тұрақты рейстер жүзеге асыратынын атап өтті.
Бұрынырақ Украина әуекомпаниясына тиесілі Boeing 737 жолаушылар лайнері ұшып барып апатқа ұшырап,барлық жолаушылары қаза болғаны хабарланған.
Қазақстандық азаматтық авиация комитетінде Украина ұшағының апатқа ұшырауы салдарынан қаза болғандардың арасында біздің республикамыздың азаматтары жоқ екенін атап өтті.
Сурет: Tourprom.com
