Жаңадан құрылған Төтенше жағдайлар министрлігінің басшысы Юрий Ильин Түркістан облысындағы су тасқыны туралы айтты.
Осы жылдың мамыр айында Өзбекстандағы Сардоба су қоймасы бөгетінің жарылуы себебінен Мақтаарал ауданының елді мекендерін су басты.
Су тасқынын еске ала отырып, Ильин екі ел бір-бірін төтенше жағдайлар туралы хабардар етіп, олардың алдын алу шараларын қабылдай алатын Қазақстан мен Өзбекстанның екіжақты келісімі жоқ екенін атап өтті. Сондықтан жақын арада елдер осындай құжатқа қол қояды.
Министрдің айтуынша, қазір су тасқынынан зардап шеккен Түркістан және Сырдария облыстарының елді мекендерін қалпына келтіруге барлық күш-жігер жұмсалып, орасан зор қаражат жұмсалуда.
Сондай-ақ, Ильин Мақтааралдағыдай жағдайдың қайталануын болдырмау мақсатында Қазақстан мамандары республикамыздың шегінен тыс орналасқан және оған қауіп төндіретін барлық гидротехникалық құрылыстарды зерттеуге ниетті екенін айтты. ТЖМ Экология министрлігімен келіссөздер жүргізіп жатыр.
Сурет: inform.kz
