Жамбыл облысындағы қазақстандық вакцина шығаратын зауыт бізге жылына QazVac қазақстандық вакцинасының 60 млн дозасын қамтамасыз ете алады. Бұл туралы ҚР Денсаулық сақтау министрі Алексей Цой мәлімдеді, деп «ҚазАқпарат»ХАА хабарлайды.
Мәжілістің жалпы отырысында палата Төрағасы Нұрлан Нығматулин Денсаулық сақтау министрінен QazVac отандық вакцинасы қашан және қандай көлемде қолжетімді болатынын сұрады. «Мәлімделген жеткізілімдерге сәйкес, біз биологиялық қауіпсіздік мәселені ҒЗИ алаңында қазақстандық вакцинаның 50 мың дозасын ай сайын 100 мыңға дейін өсірумен алатын боламыз. Алдағы уақытта Жамбыл облысындағы Алаң іске қосылғанда, зауыт бізге жылына 60 млн-ға жуық дозаны қамтамасыз ете алады. Шамамен жылдың соңы, өйткені GMP инспекциясын жүргізу үшін өндірісті толыққанды іске қосу және тәжірибелік партияны шығару қажет. Осыдан кейін біз өндірісті бағалап, шығаруға кірісе аламыз», — деді Алексей Цой. Еске сала кетейік, бұған дейін Мәжіліс Спикері Нұрлан Нығматулин үкімет өкілдеріне Жамбыл облысында салынып жатқан қазақстандық вакцина шығаратын зауытқа кім жауапты деген сұрақпен жүгінген болатын.
