Қазақстан Денсаулық сақтау министрлігінің басшысы Алексей Цой Үкімет отырысында біздің республикамызға коронавирустың шетелдерден енуіне жол бермейтін бірқатар қосымша шаралар енгізуді ұсынды, деп хабарлайды knews.kg ақпарат ресурсы.
Цойдың пікірінше, біздің елге коронавирус инфекциясының енбеуі үшін авиациялық байланыс қалпына келтірілген елдермен рейстер санын көбейтпеу керек, сонымен қатар Түркия Республикасына рейстер санын азайтқан дұрыс.
Сондай-ақ, министрдің айтуынша, бұдан былай басқа мемлекеттермен әуе қатынасын жандандырмау қажет.
Сонымен қатар, Денсаулық сақтау министрлігінің басшысы Қазақстанға кіру үшін қосымша талаптар енгізуді ұсынады, оған сәйкес шетелден келген азаматтар дене қызуын тексеруден, сауалнамадан өтіп, коронавирусқа тестілеу туралы анықтама ұсынуы керек.
Егер келушілерде бұл анықтама болмаса, олар коронавирустық инфекцияға зертханалық тексеру жүргізу үшін карантиндік стационарға орналастырылады.
Осыған байланысты Цой Алматы, Нұр-Сұлтан және Шымкент әкімдеріненен мемлекеттік шекара қиылысында карантиндік стационар орналастыруды сұрады.
Сурет: 24.kz
