Қазақстанның телеарналары мен медиа тұлғаларын вакцинацияны насихаттауға және фейкпен күресуге тартуды Денсаулық сақтау министрлігі жоспарлап отыр, деп хабарлады ведомство басшысы Алексей Цой.
“Ақпарат және қоғамдық даму министрлігімен бірлесіп, халық арасында вакцинациялаудың маңыздылығы және жалған ақпаратты теріске шығару туралы ауқымды ақпараттық-түсіндіру жұмыстары жүргізіледі. Арнайы медиа-жоспар іске асырылуда, ол үшін ақпараттық ресурстардың, оның ішінде әлеуметтік желілер мен мессенджерлердің барлық әлеуеті жұмылдырылуда”, — деді Цой сейсенбі күні Үкімет отырысында.
Ол фейкпен күресу үшін барлық телеарналар мен баспа БАҚ-ты тарту, сондай-ақ медиа тұлғаларды тарту жоспарланып отырғанын атап өтті.
“Вакцинацияның маңыздылығына назар аудара отырып, барлық теледидар арналары мен баспа басылымдарын тарту, оң мысалдарды көрсету үшін қоғамдық пікір көшбасшыларын, сарапшылар мен медиа тұлғаларды тарту, теріске шығару және жалған ақпаратпен күресу үшін сенімді ақпарат жариялау жоспарлануда”, — деп толықтырды Цой.
