Денсаулық сақтау министрлігінің басшысы Алексей Цой брифинг өткізіп, коронавирустық инфекцияға қарсы вакцинацияның бірінші кезеңі біздің республикада 2021 жылдың ақпан айында басталуы мүмкін екенін мәлімдеді, деп хабарлайды Денсаулық сақтау министрлігінің баспасөз қызметі.
Цойдың айтуынша, коронавирусқа қарсы алғашқы тегін вакцинаны қауіп-қатер тобына кіретіндер: медицина қызметкерлері, мұғалімдер және құқық қорғау органдарының қызметкерлері алады.
Коронавирусқа қарсы препараттың құны, министрдің айтуынша, екі доза үшін 20 долларды құрайды. Сонымен бірге, Цой “Спутник V” вакцинасымен вакциналау екі кезеңде жүргізілетінін айтты: 21-ші күні қайта егіледі.
Денсаулық сақтау министрі жақын арада өзі басқарып отырған ведомство коронавирустық инфекцияға қарсы вакциналауға жататын топты анықтайтынын айтты.
Бұған дейін біздің мемлекетімізде “Спутник V” деп аталатын covid-19-ға қарсы ресейлік вакцина тіркелетіні хабарланған болатын. Бұл келісімге Денсаулық сақтау министрлігінің басшысы Алексей Цой мен Ресейдің тікелей инвестициялар қорының басшысы Кирилл Дмитриев қол қойды.
“Спутник V” – ресми тіркелген Ресей Федерациясының вакцинасы. Оны Гамалея ұлттық эпидемиология және микробиология ғылыми-зерттеу орталығының қызметкерлері жасады. Бұл препараттың тиімділігі 91%-дан асады.
