Денсаулық сақтау министрі Алексей Цой ауылдарда жұмыс істеу үшін медицина қызметкерлерін тарту шаралары туралы айтты, деп zakon.kz хабарлайды.
Қазір ауылдарда 14 804 медицина қызметкері жұмыс істейді, салынып жатқан нысандарды ескере отырып, қосымша 3 104 маманды тарту қажет.
Ауылда денсаулық сақтаудың кадрлық ресурстарына күтілетін қажеттілікті қамтамасыз ету үшін біз өңірлермен бірлесіп мынадай шараларды көздедік: көтерме жәрдемақыларды 100 — ден 1000 АЕК-ке дейін ұлғайту, ауылға жұмысқа келген мамандарды тұрғын үймен міндетті түрде қамтамасыз ету, жалақыны 2023 жылы экономика бойынша орташа жалақыға қарағанда 2,5 есеге дейін кезең-кезеңімен ұлғайту, – деп хабарлады Денсаулық сақтау министрлігінің басшысы Үкімет отырысында.
Оның айтуынша, қабылданған шаралар 2023 жылға қарай ауылдық елді мекендерді жалпы практика дәрігерлерімен және тар мамандармен 100% қамтамасыз етуге мүмкіндік береді.
