Қазақстанның цифрлық даму, инновациялар және аэроғарыштық өнеркәсіп министрі Асқар Жұмағалиев ведомство үшін бірінші кезектегі міндет инновациялық экожүйені дамыту болып табылатынын мәлімдеді. Бұл туралы ведомствоның баспасөз қызметі хабарлады.
«Қазіргі уақытта Astana Hub IT-стартаптарының технопаркі 100% — ға толтырылған. Онда отандық және шетелдік ІТ-компаниялардың 17 ғылыми-зерттеу зертханасы жұмыс істейді. 90-нан астам стартап іске асырылды, мыңнан астам жұмыс орны ашылды», – деді ол.
Министр бұл шаралар отандық стартаптарға жалпы сомасы 18 миллиард теңгеден астам шетелдік инвестицияларды тартуға көмектесті деп мәлімдеді.
«2020 жылы кем дегенде екі технопарктің қолдауымен біз шамамен 15 миллиард теңге инвестиция тартуға тырысамыз. Бұл жұмысты барлық мемлекеттік органдар мен компаниялармен бірлесіп жалғастырамыз», — деп түйіндеді Жұмағалиев.
Сурет: neonomad.kz
