Қазақстан қор биржасының (KASE) сайтында “Цеснабанк” АҚ биржада 37,4 млн қарапайым акцияларды орналастыру туралы шешім қабылдағандығы туралы хабарлама жарияланды.
Бір акцияның құны-1 782 теңге. Биржада орналастырылған акциялардың жалпы құны 70,2 млрд теңгені құрайды. Банк акционерлері осы бағалы қағаздарды басымдықпен сатып алу құқығына ие болады.
Бұл банк акцияларын қор биржасында алғашқы орналастыруы емес. 24 қаңтарда “Цеснабанк” АҚ акционерлерге артықшылықпен сатып алу құқығы бар 9,2 млрд теңгеге жай акцияларды орналастырғаны туралы хабарлады.
KASE-нің 2019 жылғы 1 қаңтардағы мәліметі бойынша, “Цесна” Қаржы холдингі” АҚ (70,79%), Ч. Б. Уандықов (6,87%), “Аппартат KZ” ЖШС (5,67%) және “Цесна Капитал” АҚ (0,18%) Цеснабанктің жай акцияларының иелері болып табылады.
Бұған дейін хабарланғандай, өткен аптаның соңында S&P Global Ratings “Цеснабанк” ұзақ мерзімді және қысқа мерзімді кредиттік рейтингтерін “В-/В” – тен “SD” – ге (selective default-таңдамалы дефолт) және ұлттық шкала бойынша банк рейтингін “kzBB”-ден “SD”-ге дейін төмендетті. “Цеснабанк” рейтингтерінің төмендеуімен келіспейтіндігін білдірді.
Сулет: abctv.kz
