Қазақстан Республикасы Қаржы министрлігі Мемлекеттік кірістер комитеті төрағасының орынбасары Қуат Рахимов Қырғызстаннан келген транзиттік жүктер Ресей-Қазақстан шекарасына жетпей, Қазақстанда тұрып қалатынын хабарлады. Сондықтан шекарада бақылау күшейтілді, деп хабарлайды Tengrinews.kz журналисі.
Қазіргі уақытта Қырғызстан Республикасы тарапынан шекарада шамамен 150 автокөліктің кептелісі тұр.
Егер тауарлар Қырғызстаннан Қазақстанға тасымалданатын болса, тасымалдаушылар қосымша құн салығын төлеуге тиіс. Тауарлар Қырғызстаннан Ресейге транзитпен мәлімделетін, бірақ іс жүзінде жүктер Қазақстан-Ресей шекарасы арқылы өтпейтін, Қазақстанда қалып қоятын жағдайлар болатыны атап өтілді.
Сондықтан, Рахимовтың айтуынша, ағымдағы жылдың қаңтарынан бастап мемлекеттік кірістер органдары Ұлттық қауіпсіздік комитетінің Шекара қызметімен бірлесіп бақылау жүргізіеді, 27 наурыздан бастап тексерулер күшейтілді.
27 наурыздан 4 сәуірге дейін 1080-ге жуық автокөлік ауыстырылды, сонымен қатар олардың 114-і бақылауды күшейту туралы білгенде, құжаттары талаптарға сәйкес келмейтіндіктен, артқа қайтты.
Қазақстанға Қырғызстан шекарасы арқылы үшінші елдерден жеткізілетін тауарлар бағасының шамадан тыс жоғарылауы қаупі бар.
Өнімнің бақылау бағасының айтарлықтай төмендеуі байқалды. Мысалы, жылдың бірінші тоқсанында Қырғызстанға шамамен, бір кг бағасы 41 цент шегіндегі, 9000 тонна жаңғақ әкелінді. Оның ішінде бір кг 90 центтік 90 тонна Қазақстанға түсті.
Сурет: tengrinews.kz
