Ирак астанасы әуежайын ракетамен ату салдарынан Иран Ислам революциясы күзетінің “Құдс” арнайы бөлімшесінің басшысы генерал Қасем Сулеймани қаза тапты. Соққы үшін жауапкершілікті АҚШ өз мойнына алды.
Бұл туралы “Халықаралық дағдарыс тобының” президенті Роберт Малли өз пікірін айтты.Оның пікірінше, бұл ісімен Дональд Трамп іс жүзінде Иранға қарсы соғыс ашты.
Маллидің айтуынша, Трамп АҚШ пен Таяу Шығыс арасында соғыс болмайды деп уәде берген,дегенмен генерал өлімі басқаны көрсетеді.
Пентагон президент Дональд Трамп генерал Касем Сулейманиге қарсы операция жүргізуді жеке өзі мақұлдағанын мәлімдеді. Өз кезегінде, Тегеран мұндай әрекеттер халықаралық терроризм актісі болып табылатынын айтты.
“Халықаралық дағдарыс тобының” тағы бір сарапшысы Дэниел Шнайдерман таяу уақытта Ираннан осы америка операциясына жауап қайтарылатынына сенім білдірді.
“Дипломатиялық қарым-қатынастың болмауы немесе кек алу кез келген әлеуетті деэскалацияға қол жеткізуді қиындатады. Бұл АҚШ пен Иран арасындағы шиеленістің жалғасуы мүмкіндігін емес, жалғасатынын білдіреді”, – деп толықтырды Шнайдерман.
Сурет: Ria.ru
