Қазақстан мен Өзбекстан арасындағы өзара қарым-қатынастардың болашақ дамуы Қазақстан Президентінің саяси қызметіндегі маңызды кезең болып табылады, деп хабарлайды « ҚазАқпарат» informburo.kz .
Екі мемлекет президенттерінің алдында нақты мақсат тұр: өзара сауда көлемін 2020 жылға қарай бес миллиард долларға дейін арттыру. Екі ел Үкіметі үшін басты міндет – сауда-экономикалық байланыстарды кеңейту және шекаралық ынтымақтастықты тереңдету.
“Тәуелсіздіктің алғашқы күнінен бастап Қазақстан мен Өзбекстан бір-бірін қиын сәттерде қолдап, жетістіктеріне шын жүректен қуанып, қол ұшын беруде. Біз берік және үйлесімді қарым – қатынас құрдық, олардың негізінде бірыңғай мақсат- екі елдің өркендеуі жатыр. Біздің мемлекеттер арасындағы стратегиялық әріптестікті нығайтуда Қазақстанның Тұңғыш Президенті Нұрсұлтан Әбішұлы Назарбаев пен Өзбекстан президенті Шавкат Миромонович Мирзиеев жетекші рөл атқарды. Екі ел үкіметтерінің алдына 2020 жылға қарай өзара сауда көлемін бес млрд долларға дейін арттыру міндеті қойылды. Инвестициялық салада, өнеркәсіптік кооперацияда, бірлескен өндірістерді дамытуда нәтижелі және үдемелі ынтымақтастықтың мысалдары екі елдің өзара пайдасына экономикалық өзара іс-қимылды тереңдетуге екі жақты ұмтылысымызға жауап береді”, – деді мемлекет басшысы.
Қасым-Жомарт Тоқаевтың айтуынша, тұрақты сенімді қарым-қатынас екі бауырлас халықтардың өзара қарым-қатынасын нығайтатын болады.
Сурет: eadaily.com
