Қазақстан Республикасының Президенті Қасым-Жомарт Тоқаев жұмыс сапарымен Ақмола облысының Целиноград ауданына барды. Бұл туралы Қазақстан президентінің баспасөз қызметі хабарлады.
Целиноград ауданына сапар барысында Қасым-Жомарт Тоқаев құрылысы биылғы жылы аяқталған Hevel Kazakhstan ЖШС күн электр стансасында болды.
Қуаты 100 мегаватт құрайтын осы электр станциясының құрылысын жүзеге асыруға шамамен 30 миллиард теңге жұмсалды. Жыл сайынғы электр энергиясын өндіру сағатына 148 миллион киловаттан асады.
Осы электр станциясының ұжымымен кездесу кезінде Қазақстан Президентіне оның құрылысына өз əзірлемесі бойынша дайындаоған инновациялық технологиялар — гетероқұрылымды екі жақты күн модульдері пайдаланылғаны айтылды.
Сондай-ақ, Президент Қасым-Жомарт Тоқаевқа Ақмола облысындағы «жасыл энергетиканы» дамытудың перспективалық бағыттары туралы ақпарат берілді.
Күн электр станциясына
сапары соңында мемлекет басшысы Қазақстан Республикасында жаңартылатын энергия көздерін пайдаланудың маңыздылығы туралы мәлімдеді.
Сурет: akorda.kz
