ҚР Премьер-Министрінің орынбасары Ералы Тоғжанов жер комиссиясының кезекті отырысы барысында кейбір қазақстандықтар жерді шетелдіктерге сатуға тыйым салуды заңнамалық бекіту туралы түсініспеушіліктің бар екеніне назар аударды, деп хабарлайды zakon.kz.
25 ақпанда өткен ұлттық қоғамдық сенім кеңесінің бесінші отырысында ҚР Президенті Қасым-Жомарт Тоқаевтың ауыл шаруашылығы жерлерін шетелдіктерге және шетелдік компанияларға, шетелдік үлесі бар қазақстандық компанияларға, азаматтығы жоқ адамдарға, халықаралық қатысуы бар ғылыми орталықтарға, сондай-ақ қандастарға беруге толық тыйым салу туралы саяси шешімі арнайы заң жобасы ретінде 12 наурызда Парламенттің қарауына беріілді. Заң жобасының алғашқы оқылуы 7 сәуірде Мәжілісте өтеді.
Халық арасында, әсіресе әлеуметтік желілерде, әлі күнге дейін түсініспеушіліктер бар. , шындыққа сәйкес келмейтін әңгімелерді әдейі тарататындар да бар екенін айта кету керек. Сондықтан тағы да атап өткім келеді: жер шетелдіктерге берілмейді деген нақты шешім қабылданды. Мемлекет Басшысы Қасым-Жомарт Тоқаев қоғам тарапынан көтерілген негізгі мәселеге нүкте қойды. Енді комиссия алдында ауыл шаруашылығы саласындағы жер қатынастарын дамыту мәселесі бойынша ұсынымдар әзірлеу міндеті тұр, – деді Ералы Тоғжанов.
Ол кезекті отырыста жер қатынастарының дамуын жан-жақты талқылауды ұсынды. Жер реформасы жөніндегі комиссияның бірінші отырысында комиссия мүшелері тарапынан 55 ұсыныс айтылды. Оның 15-і құқықтық, 29-ы экономикалық, 11-і ұйымдастырушылық сипатта болды. Барлық ұсыныстар комиссия мүшелерінің, жауапты мемлекеттік органдардың, сала мамандарының қатысуымен жұмыс топтарында жан-жақты қаралды. Бірқатар мәселелер бойынша нақты шешімдер жобасы әзірленді.
