Еліміздің барлық өңірлерінде тексеру басталды, оның басты мақсаты індет жағдайында дәрі-дәрмектердің бағасын негізсіз көтеретін қара ниетті азаматтарды анықтау болып табылады, деп хабарлайды Қазақстанның құқық қорғау ведомствосының баспасөз қызметі.
Ішкі істер органдарының қызметкерлері тексеру кезінде жоғары бағамен қайта сату мақсатында көп мөлшерде дәрі-дәрмек сатып алуды ұйымдастырған тұлғаларды анықтады.
Мысалы, Нұр-Сұлтанда тәртіп сақшылары интернетте хабарландыру арқылы қажетті дәрі-дәрмектерді сатқан әйелді ұстады. Полиция қызметкерлері тінту кезінде “Парацетамол”, “Ингавирин”, “Цефтриаксон” және “Азитромицин” препараттарының ірі партиясын анықтады.
Тексерістің бірінші күні құқық қорғау органдарының қызметкерлері барлығы 21 адамды қолға түсірді, олардан 3,5 мың түрлі дәрі-дәрмектің қаптамасы, 18 мыңға жуық маскалар, 105 қорғау халаттары және 300 литрден астам антисептикалық құралдар тәркіленді.
Бұған дейін мемлекет басшысы Қасым-Жомарт Тоқаев Қазақстанда дәрі-дәрмектердің бағасын негізсіз көтеруге байланысты проблеманы шешу қажеттігін мәлімдеді және Үкіметке тиісті тапсырма берді.
Сурет: tengrinews.kz
