Қазақстан Республикасының Пре- зиденті Қасым-Жомарт Тоқаевтың Ресей Федерациясына жасайтын алдағы сапарының күн тәртібі белгілі болды, деп хабарлады Мемлекет басшысының баспасөз қызметі.
Ақорданың хабарламасында, 3 сәуірде Тоқаев Ресейге ресми сапармен барады делінген. Тоқаевтың сапарының басты бағыты Ресей Президенті Владимир Путинмен болатын келіссөздер.
Президенттер кездесуінің күн тәртібіне екіжақты саяси, сауда-экономикалық және мәдени-гуманитарлық ынтымақтастық мәселелері, маңызды аймақтық және халықаралық тақырыптар кіреді.
Кездесудің қорытындысы бойынша бірқатар екіжақты құжаттарға қол қою жоспарланып отыр.
Естеріңізге сала кетейік, 21 наурызда телефон арқылы сөйлесу барысында Тоқаев пен Путин Қазақстанның жаңа президенті жақын арада Ресейге ресми сапармен барады деп келіскен болатын.
Сурет: Sputnik / Александр Вильф
