Президент Қасым-Жомарт Тоқаев еліміздің кейбір заңнамалық актілеріне қылмыстық процесте азаматтардың құқықтарын қорғауды күшейту және сыбайлас жемқорлыққа қарсы іс-қимыл мәселелері бойынша өзгерістер енгізуді көздейтін заңға қол қойды, деп хабарлайды мемлекет басшысының баспасөз қызметі.
Түзетулерге сәйкес, сыбайлас жемқорлық қылмыстары бойынша сотталған адамдарға шартты түрде мерзімінен бұрын бостандыққа шығуға тыйым салынады.
Сонымен қатар, өзгерістерге сәйкес құқық қорғау органдары, судьялар, пара берушілер және парақорлықтағы делдалдарға сыбайлас жемқорлығы үшін санкциялар күшейтіледі.
Сондай-ақ, Қасым-Жомарт Тоқаев өзгерістер енгізілген заңнамаға қол қойды, оған сәйкес мемлекеттік қызметшілерге, парламент мүшелері мен судьяларға шетелдік қаржы институттарында есеп-шот ашуға тыйым салынады.
10 желтоқсанда шенеуніктердің шетелде банктік шоттары болуына тыйым салатын түзетулерді Парламенттің жоғарғы палатасы мақұлдады. Мұндай тыйым жауапты қызмет атқаратындарға немесе мемлекеттік функцияларды орындауға уәкілеттік берілген мемлекеттік қызметшілерге ғана қолданылатыны белгілі болды.
