Қазақстан Республикасының басшысы Қасым-Жомарт Тоқаев коронавирусты инфекцияның таралуына қарсы іс-қимыл жөніндегі жұмысты үйлестіретін жедел әрекет ету орталығының қызметін тексерді, деп хабарлайды пезиденттің баспасөз қызметі.
Қасым-Жомарт Тоқаев бұл орталық қысқа мерзімде құрылғанын және ол жағдайды мониторингілеу және коронавирус ауруын анықтау үшін қолданылатын озық жабдықтармен қамтамасыз етілгенін айтты.
Сондай-ақ мемлекет басшысы орталықтың басты міндеттерінің бірі Қазақстан халқын қауіпті вирустың таралуы туралы хабардар ету болып табылатынын атап өтті.
“Бұл әсіресе жеке БАҚ пен әлеуметтік желілерде жалған мәліметтер таратылғанда маңызды. Коронавирусқа қарсы іс-қимыл мәселелері бойынша барлық ресми деректер http://coronavirus2020.kz сайтында қолжетімді”, – деді Қасым-Жомарт Тоқаев.
Президент Тоқаев біздің ортақ міндетіміз – Нұр-Сұлтан мен Алматыда карантиндік режимді сақтау екенін атап өтті. Ол қысқа мерзімде Үкімет азаматтарды медициналық маскалар және антисептикалық құралдармен қамтамасыз ететінін айтты.
Нұр-Сұлтан мен Алматыда коронавирустың қиын жағдайына байланысты карантиндік режим енгізілді. Бұл біздің республикамыздың басқа қалаларында вирустың таралуын болдырмау мақсатында жасалды.
