Қазақстан президенті Қасым-Жомарт Тоқаев құжаттардың қағаз нұсқалары біртіндеп қолданыстан шығып, тыйым салынуы тиіс екендігін мәлімдеді. Бұл туралы ол “Цифрлық Қазақстан” бағдарламасын жүзеге асыру бойынша отырыс барысында мәлімдеді, деп Ақорданың баспасөз қызметі хабарлайды.
“Сандық технологияларды мемлекеттік басқаруда пайдалану барлық бағдарламаның жетістігінің кілті болып табылады. Бұл түбегейлі өзгерістерді талап етеді. Барлық жұмыс процестері электрондық нұсқаға ауыстырылуы тиіс. Қазіргі уақытта құжаттарды қағаз түрінде де, электронды түрде де беру дұрыс емес. Құжаттардың қағаз нұсқаларына біртіндеп тыйым салынуы тиіс”, – деді мемлекет басшысы.
Ол заңнамалық және нормативтік актілерге тиісті түзетулер енгізу қажеттілігін атап өтті. Сондай-ақ, үкіметке осы міндетті орындау үшін барлық қажетті шараларды қабылдауды тапсырды.
Өз сөзінің соңында Тоқаев үкіметке 4.0 Индустрия аясында жобаны кеңейту үшін қажетті нормативтік және ынталандырушы шаралар кешенін әзірлеумен айналысуды тапсырды.
Сурет: kaztag.info
