Республикамыздың басшысы Қасым-Жомарт Тоқаев Төтенше жағдайлар министрі Юрий Ильинмен кездесті. Бұл туралы Қазақстан Президентінің баспасөз қызметі хабарлады.
Кездесу жаңа құрылған Төтенше жағдайлар министрлігінің қызметін талқылау мақсатында өтті.
Министр кездесу басында министрліктің құрылымы туралы, бұрын еліміздің құқық қорғау ведомствосының құрамына кірген әскери бөлімдерді жаңа министрлікке ауыстыру туралы баяндады.
Бұдан әрі Президентке басқа мемлекеттік органдардан өнеркәсіптік қауіпсіздік саласындағы белгілі бір функцияларды жаңа ведомствоға беру процесі туралы ақпарат берілді.
Кездесу аясында Қасым-Жомарт Тоқаевқа 2020 жылдың сегіз айында Қазақстанда төтенше жағдайлар, табиғи және техногендік апаттар саны төмендегені туралы мәлімет берілді.
республикамыздың басшысы Ильиннің баяндамасын тыңдағаннан кейін, оған министрліктің одан әрі қызметіне қатысты бірқатар нақты тапсырмалар берді. Олардың бірі жаңа жылыту маусымына дайындық мәселесі болды.
Сондай-ақ, Президент Тоқаев Ильинге Қазақстандағы Төтенше жағдайлар мен елді мекендерді су басу қаупін азайтуға бағытталған шаралар қабылдауды тапсырды.
Мемлекет басшысы Қазақстандағы Төтенше жағдайлар министрлігін қайта құру туралы бастаманы 1 қыркүйекте өткен алтыншы парламенттік сессияның ашылуында жариялады. Тоқаев бұл ведомоствоны құру туралы Жарлыққа 9 қыркүйекте қол қойды.
Сурет: akorda.kz
