Қазақстан Президенті Қасым-Жомарт Тоқаевтың Жарлығымен Қызылорда облысының жаңа әкімі болып Қуанышбек Ысқақов тағайындалды. Бұл туралы Қазақстан президентінің баспасөз қызметі хабарлады.
Қуанышбек Ысқақов 1968 жылы Қызылорда қаласында дүниеге келген. Ол Қызылорда агроөнеркәсіптік өндіріс инженерлері институтын, Қызылорда политехникалық институтын, сондай-ақ Қазақстандық инновациялық және телекоммуникациялық жүйелер университетін бітірген.
2000-2003 жылдар аралығында Ысқақов Қызылорда облысының салық комитеті басшысының орынбасары болып жұмыс істеді. Өзінің барлық еңбек жолында ол негізінен басшылық лауазымдарын атқарды.
