Қазақстан президенті Қасым-Жомарт Тоқаев Қазақстанның Қырғызстан мен Түрікменстандағы төтенше және өкілетті елшілерін тағайындаған екі жарлыққа қол қойды. Бұл туралы Ақорданың баспасөз қызметі хабарлады.
“Мемлекет басшысының жарлығымен Қайрат Айтмұхамбетұлы Нұрпейісов Қазақстан Республикасының Қырғыз Республикасындағы төтенше және өкілетті елшісі болып тағайындалды; Еркебұлан Оңалбекұлы Сәпиев Қазақстан Республикасының Түрікменстандағы төтенше және өкілетті елшісі болып тағайындалды”, – делінген хабарламада.
Қайрат Айтмұхамбетұлы Нұрпейісов бұрынғы Павлодар облысының әкімі, мемлекеттік қызмет істері агенттігінің төрағасы және Қазақстан Парламенті Сенатының аппарат басшысы қызметтерін атқарған.Тағайындау алдында Қазақстан Президентінің Парламенттегі өкілдігінің басшысы қызметін атқарған.
Сапиев Еркебұлан Оңалбекұлы бұрын Сырдария ауданының әкімі және Парламент Сенатының депутаты қызметтерін атқарған.Тағайындау алдындағы соңғы лауазымы – Nur Otan партиясын партиялық бақылау комитеті төрағасының орынбасары.
