Еліміздің президенті Қасым-Жомарт Тоқаев Түркия республикасының басшысы Реджеп Эрдоғанмен телефон арқылы сөйлесті,оның барысында Қазақстан-Түрік қарым-қатынастарына қатысты мәселелер қаралды. Бұл туралы Ақорданың баспасөз қызметі хабарлады.
Телефон арқылы сөйлесу басында Қасым-Жомарт Тоқаев пен Реджеп Эрдоган бір-бірін келе жатқан Жаңа жылмен құттықтады.
Сөйлесу аясында Қазақстан мен Түркия Президенттері екі мемлекет арасындағы екіжақты өзара қатынастың оң динамикасын жоғары бағалады.
Сонымен қатар, мемлекет басшылары Қазақстан-Түрік стратегиялық ынтымақтастығын одан әрі нығайтуға қатысты мәселелерді қарастырды.
Қасым-Жомарт Тоқаев пен Реджеп Эрдоган біздің республика мен Түркия арасындағы тұрақты сенімді саяси диалогты қолдаудың маңыздылығына назар аударып, келесі жылға арналған екіжақты ынтымақтастықтың нақты жоспарларын белгіледі.
Сурет: inform.kz
