Мемлекет басшысы Қасым-Жомарт Тоқаев Қожа Ахмет Яссауи атындағы Халықаралық қазақ-түрік университетіне ерекше мәртебе берілетін жарлық шығарды. Бұл туралы Қазақстан президентінің баспасөз қызметі хабарлады.
Ерекше мәртебенің арқасында бұл жоғары оқу орны өз бетінше философия докторы дәрежесін беруге және өз үлгісінде дипломдар беруге құқылы.
Сондай-ақ, ерекше мәртебеде жоғары оқу орнының бағдарламалары бойынша білім беру грантының құнын арттыру көзделген, бұл оның профессорлық-оқытушылық құрамының еңбекақысын арттыруға ықпал етеді.
Қожа Ахмет Яссауи атындағы Халықаралық қазақ-түрік университеті 1992 жылы Тұңғыш Президент Нұрсұлтан Назарбаевтың бастамасымен Түркістан қаласында салынды.
Бұл жоғары оқу орнының ерекшелігі – оның халықаралық корпоративтік басқарудың бірегей жүйесі – үкіметаралық өкілетті кеңес, сенат және басқарушы кеңесі бар.
Қазіргі таңда Қожа Ахмет Яссауи атындағы Халықаралық қазақ-түрік университетінің студенттері еліміздің ұлттық тілінде ғана емес, түрік, орыс және ағылшын тілдерінде білім алуда.
Сурет: inform.kz
