Қазақстан президенті Қасым-Жомарт Тоқаев Түркістандағы қонақ үйде болған өртті жою кезінде зардап шеккен қазақстандық өрт сөндірушілер мемлекеттік наградалармен марапатталатынын мәлімдеді. Бұл туралы мемлекет басшысының баспасөз қызметі хабарлады.
«Түркістан қонақ үйінде өрт сөндіру кезінде зардап шеккен ІІМ қызметкерлеріне тез арада сауығып кетуді тілеймін. Олардың ерен еңбегі мемлекеттік наградалармен белгіленеді», — деді Тоқаев.
Естеріңізге сала кетейік, осы жылдың 10 қыркүйегінде Royal grand hotel қонақ үйінің аумағында жарылыс болып, нәтижесінде он адам, оның ішінде жеті өрт сөндіру қызметі қызметкерлері және үш бейбіт тұрғын зардап шекті.
Төтенше жағдайлар комитетінің ақпараты бойынша, өрт сөндірушілер түрлі дәрежедегі күйік алған. Бүгінгі күні олар ауруханада жатыр.
