Мемлекет басшысы Қасым-Жомарт Тоқаев Қазақстанның оңтүстік астанасында өткен отырыс барысында салынып жатқан тұрғын үйлер мәселесіне назар аударды. Бұл туралы Президенттің баспасөз қызметі хабарлады.
«2011 жылдан бастап 2018 жылға дейін мемлекет жалпы ауданы 416 мың шаршы метрде 6 841 пәтер болатын 182 тұрғын үй пайдалануға берді. Бұл жеткіліксіз – тұрғын үйге кезекте шамамен 25 мың адам тұр», – деді президент.
Осыған байланысты мемлекет басшысы қалалық билік тұрғын үй құрылысының қарқынын айтарлықтай арттыруы қажет екенін айтты. Сонымен қатар, салынып жатқан тұрғын үйдің сапасына да назар аудару қажет.
«Көптеген нысандарда жүйелі түрде проблемалар тіркеледі: жертөлелерді су басу, сызаттар, инженерлік коммуникациялардың ақаулықтары және т.б. Бақылаушы органдар үйлерді пайдалануға қабылдауға кәсіби тұрғыда қарауға тиіс. Қазіргі жағдай сынға төтеп бере алмайды», – деді Тоқаев.
Осыған орай, Президент құқық қорғау органдарына тұрғын үйлерді салу кезінде салғырттық танытқан барлық адамдарды қылмыстық жауапкершілікке тартуды тапсырды.
Сурет: zakon.kz
