Қазақстан Президенті Қасымжомарт Тоқаев елімізде үш тілді білім беру идеясын жүзеге асыру туралы өз пікірін айтты. Бұл туралы Facebook әлеуметтік желісінде Президенттің баспасөз хатшысы Берік Құрманғалиев хабарлады.
Облыс әкімдерінің қатысуымен өткен кеңесте, Үкімет мүшелерінің баяндамаларын талқылау барысында Тоқаев білім берудегі үштілділік бағдарламасын жүзеге асыру мәселесіне назар аударды.
Тоқаевтың пікірінше, бұл өте күрделі және маңызды мәселе. Ол балалар үшін қазақ және орыс тілдері өте маңызды деп санайды. “Содан кейін ғана ағылшын тілін үйрету керек”, – деді Тоқаев.
Бұрынғы Білім министрі Ерлан Сағадиев 2019 жылы 13500 мектеп мұғалімдері төрт пәнді ағылшын тілінде оқыта бастайды деп мәлімдеген болатын.
Сурет: akorda.kz
