Қырғызстан астанасында ҰҚШҰ Ұжымдық қауіпсіздік Кеңесінің аймақтық және халықаралық қауіпсіздік мәселелерін қарастыру жөніндегі сессиясы өтеді. Бұл туралы ұйымның баспасөз қызметі хабарлады.
Ұжымдық қауіпсіздік туралы шарт ұйымы баспасөз қызметінің ақпараты бойынша, сессияға Қазақстан тарапынан Президент Тоқаев қатысады.
Қазақстан Президентінен басқа сессияға Беларусь басшысы Александр Лукашенко, Ресей президенті Владимир Путин, Қырғызстан президенті – Сооронбай Жээнбеков, Тәжікстан президенті Эмомали Рахмон және Армения премьер-министрі Никола Пашинян қатысады.
Алдағы сессияда қатысушылар халықаралық қауіпсіздікке және Тәжікстан мен Ауғанстанның шекарасын нығайтуға қатысты мәселелерді талқылайтын болады.
Сондай-ақ кездесу аясында контртерроризмге қарсы стратегияны іске асыруға бағытталған Біріккен Ұлттар Ұйымымен ынтымақтастық мәселелерін қарау жоспарланып отыр. Сонымен қатар, қатысушылар ҰҚШҰ-ға қатысушы елдердің сыртқы саяси қызметін үйлестіруді да талқылайды.
Кездесуде ұйымның әскери әлеуетін жақсарту және сын-қатерлерге, қазіргі заманғы әлемдегі қауіп-қатерлерге қарсы іс-қимыл тетіктерінің тиімділігін арттыру мәселелеріне назар аударылатын болады.
