Қазақстан президенті Қасым-Жомарт Тоқаев Ахметжан Есімовпен кездесті, деп хабарлайды zakon.kz.
Мемлекет басшысы «Самұрық-Қазына» ҰӘҚ» АҚ-ның бұрынғы басқарма төрағасына атқарған жігерлі және нәтижелі жұмысы үшін алғыс айтты, деп хабарлады Ақорда сайты.
Өз кезегінде Ахметжан Есімов Президентке көрсеткен қолдауы мен сенімі үшін алғысын білдіріп, мемлекет басшысына Қазақстан азаматтарының игілігі жолындағы жұмыстарына табыс тіледі.
29 наурызда Ахметжан Есімов «Самұрық-Қазына» басшысы қызметінен кеткені белгілі болды. Елбасы оған осы лауазымдағы жемісті қызметі үшін алғыс айтты. Өз кезегінде Ахметжан Смағұлұлы 30 жылдан астам уақыт ішінде сенім артқаны үшін Нұрсұлтан Назарбаевқа алғыс айтты. Сондай-ақ, ол қор қызметкерлеріне ризашылығын білдіріп, міндетін адал атқарған сезімімен қызметінен кетіп бара жатқанын атап өтті.
Алмасадам Сәтқалиев «Самұрық-Қазына» Ұлттық әл-ауқат қоры» акционерлік қоғамы басқармасының жаңа төрағасы болып тағайындалды.
