Қазақстан Президенті Қасым-Жомарт Тоқаев Қазақстандағы митингілердің басты себебі халықтың кедейлігі болып табылатынын айтты.
“Демонстранттарға келетін болсақ, олар шынымен наразылықтармен көшелерге шықты. Қазір олардың талаптарын талдау жұмыстары жүргізілуде. Негізінен бұл әлеуметтік сипаттағы талаптар. Мен бұл мәселелердің бар екеін жоққа шығармаймын.Негізінен олар адамдардың тарыққандығынан шығады”, – деді Тоқаев Euronews телеарнасына берген сұхбатында.
“Наразылық білдірушілер Үкіметтен олардың өзекті әлеуметтік-экономикалық мәселелерін шешуді талап етеді. Билік естіді. Біз жұмыс істейтін боламыз”, – деп атап өтті президент.
Тоқаевтың айтуынша, қоғамдық қауіпсіздікке елеулі залал келтірмеген көптеген митингішілерлер болды.
“Олар, әрине, жақын арада босатылады. Маған олардың арасында кездейсоқ адамдар бар екенін айтты. Олардың алдында біз, әрине, кешірім сұраймыз, тез босатамыз. Бұл мәселе шешілетін болады”, – деді президент.
Сонымен қатар, Тоқаев өткен Президент сайлауын заңсыз деп санағандарды бостандыққа шығаратынына сендірді.
“Әрине, олар шығарылады. Өйткені олар осылай санайды. Ал мен, мысалы, жалпы сайлау әділ болды деп есептеймін.Солай”, – деп атап өтті Қазақстан басшысы.
Алайда, Тоқаев заңсыз іс-әрекеттер одан әрі де қатаң тоқтатылатынын атап өтті.
“Заңсыздылықтың, әрине, бәрі тоқтатылады. Бас прокуратура көшедегі осындай жиналыстардың заңсыздығы туралы бірнеше рет ескертті. Рұқсат етілмеген митингілер, тәртіпсіздіктер – осындай акцияларға қатысқысы келмейтін адамдарға да кедергі келтіреді”, – деді Тоқаев.
Естеріңізге сала кетейік, 9 маусымда Қазақстан Президентінің сайлауы өтті. Онымен бірге сайлауға келіспейтін жаппай наразылық акциялары да басталды. Бас прокуратура 960-қа жуық адам әкімшілік жауапкершілікке тартылғанын, ал 670-ке жуық адам қамауға алынғанын мәлімдеді.
Сурет: kapital.kz
