Қазақстан Басшысы Қасым-Жомарт Тоқаев еліміздің Президенті жанындағы Орталық коммуникациялар қызметінің директорын тағайындады.Бұл міндетті Талғат Қалиев атқаратынын Ақорданың баспасөз қызметі хабарлады.
Талғат Қалиев Солтүстік Қазақстан облысында дүниеге келген. Ол “Kaliyev Channel” telegram-арнасының авторы. Саяси ғылымдар кандидаты дәрежесінің иегері.
Қалиев өзінің еңбек жолында негізінен жоғары лауазым атқарды. Ол Қазақстан Ішкі істер министрінің кеңесшісі болды. Сыртқы істер министрлігінде Халықаралық ақпарат комитетінде жұмыс істеді, сондай-ақ Қазақстанның Әзірбайжандағы елшісі лауазымында еңбек етті.
Жақында Талғат Қалиев Ұлттық қоғамдық сенім кеңесінің құрамына кірді.
